Завршува изградбата на фудбалското игралиште во Текија
Во завршна фаза е изградбата на игралиштето за мал фудбал, кое е во склоп на основното училиште во населеното место Текија. Досега е изградена трибина за посетителите, поставена е целосно нова ограда околу игралиштето, како и ограда на училишниот двор. Моментно се работи на изградба на пешачка патека по должина на игралиштето.
Со изградба на игралиштето ќе се реши проблемот на младите кои досега немаа простор за дружење и спортување. Средствата за комплетното уредување на просторот на основното училиште во Текија се целосно обезбедени од буџетот на Општина Илинден. (В.Д.)
| 
