ЕДИ МАРФИ

Исплашен од староста

Популарниот актер Еди Марфи, кој неодамна наполни 49 години, освен филмската кариера, животот му е прилично празен. Имено, иако отсекогаш му биле драги целовечерните забави и пијанки во клубовите и дискотеките, Еди сега постојано се жали дека е осамен, а неговата осаменост со годините станува се' потешка.

„Со годините и возраста се менува речиси се'. Многу нешта сега се сосема различни, особено што уште сакам да излегувам навечер. Претходно бев вистински фраер во ноќните клубови. Ќе фатев некој агол, ќе седнев и ќе ги набљудував луѓето наоколу, носејќи темни очила. Кога имаш 49-години, не можеш да го правиш тоа, бидејќи би изгледал застрашувачки, како старец кој гледа во младо месо“, рече низ смеа Еди Марфи, кој во 2006 година, по 13 години брак, се разведе со сопругата Никол Мичел.