Осумнаесет месеци затвор за градежни измами

ТЕТОВО - Раководител на Секторот за урбанизам и комунални дејности на Тетово, Даут Емини (48), е осуден на 18 месеци затвор за пречекорување на службеното овластување. Тој е обврзан да плати судски трошоци од 23.000 денари, а за предизвиканата материјална штета на Младен Симовски од Тетово во износ од еден милион евра се упатува на граѓански спор.

Судот утврдил дека Даут Емини во 2006 година на ДПТГУ „Арб комер мендерес кучи - дооел“ Тетово му издал одобрение за изградба на станбен објект од петта категорија, во центарот на градот. Но, место станбен објект бил изграден станбено-деловен објект од седум ката, со што му предизвикал проблеми и материјална штета на соседниот угостителски објект „Татар“, во сопственост на Младен Симовски. (Г.Е.)