Што прават денеска

Јошко Миленковски

одбојкарски тренер

Денес патувам за Крушево, на последниот летен викенд, пред да заминам за Турција. Овој викенд ќе биде за поздравување со роднините и пријателите, па во текот на идната недела патувам за Анкара, каде што ми започнува новиот тренерски ангажман во екипата на „Малије мили пијанго“.

Ирена Спировска

пејачка

Уште на почетокот на летото си го искористив правото на одмор (го минав во Грција), зашто во текот на јули и август имам многу настапи и ангажмани. По празнично-работниот викенд, сега сум во Скопје и во текот на денот одам на релаксирање во „Афродита С“. Вечерва имам настап во ресторанот „Беровец“.

Дарко Димитров

музички продуцент

Завчера се вратив од Дубровник, Хрватска, каде што работев како саунд-инженер на концертот на Глорија Гејнор и Иво Гамулин. Вчера бев дома во Скопје, а денеска тргнувам на официјален семеен годишен одмор во Грција. Планираме да останеме барем десетина дена.