Што прават денеска

Петар Мирчевски

актер

Во периодов живеам денови за „слободни активности“. Тоа значи дека се' уште немам обврски во театарот - ни проби ни претстави, иако редовно си наминувам таму. Сепак, денот ми започнува со вежбање во битолскиот парк, а најубавиот дел од денот го минувам со шестмесечната внука Бисера.

Рената Матеска

новинарка во МТВ

Денеска ги средувам впечатоците од снимањето на емисијата „Без точка“, каде што со соговорниците разговаравме на тема „Убавината и самодовербата во политиката, театарот, естрадата и животот“, а ќе се емитува в сабота на МТВ 1. Можеби ќе направам финализирање во монтажата, па се препуштам на плановите за викендот.

Мите Димовски

музичар и продуцент

Како за петок, планирам да ја финализирам работата врз еден проект во студио. Ќе се потрудам колку што е можно побрзо да ја завршам работата, па да можам целосно да му се посветам на семејството и плановите за уживање во она што ни останува од сончевите денови.