Музичари од Македонија, Грција и од Турција

Во рамки на летната културна манифестација „Битфест“ вечерва во Битола со почеток во 22 часот во салонот „Магаза“ заеднички концерт ќе одржат музичари од Македонија, од Грција и од Турција.

„Ова е ретка прилика битолчани да го проследат концертот World Music - Improvised Music со Изет Кизл, Костас Теодору, Наталија Ман и Тони Китановски. Програмата што ја нудат овие врвни музичари, најмалку е академски џез, а многу повеќе слободна неограничена форма на изразување, истакна Тодор Ивановски, менаџер на музичката програма на „Битфест“.

Тони Китановски е редок музичар во светот на џезот, кој образованието го стекнал на Беркли, во САД. Гитарист, автор, аранжер. Од „Битфест“ најавуваат дека тој пронашол музичари кои трагаат по една светла послободна димензија во џезот. (К.Р.)