Што прават денеска

Драган Спасов-Дац

актер

Овој викенд, конечно, го посветувам на одмор од прославите и празнувањата што траат веќе повеќе од еден месец. Денеска, конкретно, се одморам од Василица. Немам никакви професионални обврски и сакам конечно да си поседам малку дома. Понекогаш и тоа треба да се практикува. Дома е, сепак, најубаво.

Рисима Рисимкин

кореографка

Во изминатава недела имав некои предавања, малку празнувања и сега веќе е ми е време да се одморам од се'. Веројатно, ќе останам дома, во Скопје, затоа што во изминатата година се изморив и од патувања. Нели се вели - пред Божик, зад Божик, каде и да се, дома да си. Оваа поговорка и не мора секогаш да е поврзана со временските услови.

Милан Завков

музичар

Од „Танец“ сме на колективен одмор уште десетина дена, па официјално се водам како „одморец“. Сепак, нема одмор што се однесува до подготовката на емисијата „Зајди, зајди“, за ТВ Алфа, па викендов контактирам со учесниците и работам на подготовката на снимањето, што го имаме веќе во понеделник.