Скратени парите за борба против сидата

Дванаесет граѓански организации реагираат зошто државата ги намали средствата од државната програма за третман и превенција од сидата. Годинава за оваа програма се определени два милиона денари помалку од лани, поради што овие организации укажуваат дека постои опасност болеста да излезе од контрола. „Во услови кога се зголемува бројот на инфицираните и болеста се шири меѓу ризичните групи, држ��вата ги намалува парите за третман и превенција од неа“, укажаа вчера од невладиниот сектор кои промовираа заеднички документ наменет за Владата со цел да се интензивира националниот одговор во постигнувањето универзален пристап за ХИВ-превенција, грижа и третман.

Овие организации искажаа незадоволство од неотворањето на предвидените четири центри за третман на зависници, од кои три во Скопје и еден во Велес, и необезбедување континуирана терапија за инфицираните која ќе биде покриена од националните здравствени буџети и нема да биде зависна од донацијата на Глобалниот фонд. (Ј.Ј.)