Што прават денеска

Ламбе Алабакоски

пејач

Денес морам да го напуштам Љубојно и прекрасната зимска идили и доаѓам во Скопје, каде што ме очекува снимање за една новогодишна телевизиска емисија. Веќе треба да почнам и да се подготвувам за новогодишното патување во Канада. Ако се отворат аеродромите, в понеделник, на 27 декември, летам за Канада.

Наталија Грубовиќ

ТВ-водителка

Денеска речиси цел ден сум ангажирана со снимањето на новогодишните изданија на „Тркалото на среќата“. Се надевам дека кога ќе завршам со снимање, продавниците се' уште ќе работат за да направам брз шопинг. Морам оптимално да го искористам секој миг за подготовката за патување в петок. За Нова година ќе бидам во Лос Анџелес, САД, на гости кај сестра ми Радица.

Бајруш Мјаку

актер и театарски продуцент

Во периодов сум ангажиран околу апликациите во институции за мојот следен театарски проект „Сократовата одбрана“ од Платон, во режија на Дритро Касапи. Веќе имаме одобрено одредени средства од Министерството за култура, но потребно е уште проектот да биде целосно и професионално реализиран. Ќе го работиме во копродукција со „Интеркулт“ од Стокхолм.