Коле Ангеловски 

режисер

Бидејќи наближува премиерата на "Сон на летната ноќ", 15 јули на "Охридско лето", најголем дел од денот го минувам на проба во Драмски театар. На 10 јули со екипата заминуваме за Охрид, каде што ќе пробаме до премиерата, а потоа на 22 јули не' очекува гостување на фестивал во Саранда, Албанија.

Лидија Кочовска 

пејачка

Текот на денот може да ми се смени во момент, со обврски кои мора да се завршат веднаш. Сепак, главниот акцент е на пробата во хорот на Македонската опера, каде што се подготвуваме за отворањето на "Охридско лето" со настапот на Џеси Норман. В среда заминуваме за Охрид.

Стевче Стојковски 

музичар

Иако во МРТВ сме во состојба на штрајк, сепак, ги извршуваме работните обврски што ги имаме. Попладнето ми е предвидено за семејно дружење, т.е. ако нема дождови, за прошетка со сопругата и синот. Со нетрпение го очекуваме 23 јули, кога заминуваме на одмор.