Невладините се згрозени од скандалот

Невладината организација „Македонска младинска асоцијација“ вчера изрази згрозеност од последниот педофилски скандал во кој е вмешан претставник на мисијата на ОБСЕ во земјава. Изразувајќи загриженост поради зголемениот број случаи на педофилија, невладините укажуваат дека последниот скандал претставува аларм за нашите институции.

„Внимателно ќе го проследиме текот на овој случај и апелираме институциите да ги преземат сите законски мерки за санкционирање на ваквите појави“, велат од „Македонска младинска асоцијација“.

Тие ги охрабруваат жртвите на педофилија да се обратат до надлежните органи и до Одделението за заштита на правата на децата при народниот правобранител. (Х.Р.)