Илчо Јованов

декан на ФМУ - Штип

Веќе интензивно се подготвуваме за прославата на патрониот ден на Универзитетот „Гоце Делчев“ во Штип, што ќе го одбележиме на 27 март. Секако, и денеска имам настава со студентите, а очекувам и екипа од Скопје за поставување и штимање на новиот клавир.

Натали Грубовиќ

ТВ-водителка

Бидејќи немам обврски рано утринава, можам да си дозволам убаво да се наспијам. Потоа одам да си ги завршам граѓанските обврски, т.е. да платам сметки. Продолжувам на состанок со диџеј Панчо, со кого подготвувам емисија која наскоро ќе оди на А1 ТВ. Во 16 ч. тренинг во Градски парк, одмор, па на вечера со пријатели.

Стојан Тренчевски

уредник во Македонско радио

По враќањето од Индија и посетата на гробот на Мајка Тереза, со снимателот Соколе Јосифовски подготвив два документарни филма: „Блажената мајка“ и „Првата македонска рожба во Индија“, кои денес треба да се појават на ДВД-издание. „Првата македонска рожба во Индија“ наскоро би требало да се прикажува на МТВ, мислам веќе уште утре.