Што прават денеска

Влатко Плевнеш

„Силви бенд“

Утринското кафе го пијам на терасата што гледа на Водно, собирајќи инспирација за обврските што ме очекуваат. Во подготовки сме на концертна промоција на 2 јуни на новиот албум на „Силви бенд“, „Песни од Коштана“, чии теми се снимени во нашето студио „Сил-Вла“. Интензивно се спремаме за концертот во Универзална сала, се вртат милион телефони, контакти со луѓе, распродажба на карти, проби со оркестарот...

Марија Јанакиевски

шпедитер

Првиот ден од викендот ми е целосно посветен на семејството. Утрото ќе се забавувам со лудориите на ќерка ми Тамара, а потоа ќе поминеме неколку часа во зоолошката градина со нејзините омилени животни. По попладневниот одмор, заедно ќе одиме на кафе-средба со неколку мои пријателки и со нивните дечиња.

Дени Мароски

„CTC records“

Конечно, овој ден ќе го започнам отвoрајќи ги очите во доцните попладневни часови, по што подготовките за вечерашната концертна промоција на панк-составот „Флукс“ почнуваат со првото цигарче. Следуваат набавки на соодветната опрема, организирање тонска проба и подмитување на скопските граѓани за нивното драгоцено присуство на вечерашната промоција на „Старо аро“ со почеток во 21 ч. во клубот „Кастро“.