Јордан Симонов

актер

Бидејќи денеска немам проба ни претстава во театар, всушност, сум во фаза на очекување да почнам со работа на некои филмски проекти, единствена обврска ми е да бидам бебиситер на ќерка ми. Тоа значи дека таа ми го диктира дневниот ритам во очекување да се врати мајка и' од работа.

Живкица Ѓурчиновска

радиоводителка

Времето морам да си го организирам максимално ефикасно и пред да дојдам во Сити радио за мојата редовна емисија од 13 до 15 часот, да завршам некои административни обврски. Попладне, моите редовни часови по шпански јазик, а вечерта е за топли, пријатни, интимни моменти на студено време.

Орце Димитровски

музичар во „Арија“

Што се однесува до работните обврски во „Касис“, тие се горе - долу стандардни и мора да ги завршам во работното време. Попладне, пак, со групата „Арија“ го снимаме спотот за нашата песна „Верувај во љубовта“. Веројатно до доцна ќе останеме во Универзална сала, каде што го снимаме спотот со продукцијата „Анастасија“.