Што прават денеска

Бени Шакири

пејач

Вечерва почнуваме со свирките во летниот клуб „Колосеум“, во Градскиот парк во Скопје, каде што ќе настапуваме секој петок, во текот на летото. Бидејќи денешниов настап ни е сефте за сезонава, голем дел од денот ќе минеме во клубот со тонски проби. Сепак, дел од денот ќе работам и во студио на подготовката на Антологијата на македонски рок-хитови.

Огненка Герасимовска

пијанистка

Денес за мене е посебно убав ден. Во 13 ч. во Големата сала на ФМУ ќе го бранам последниот дел од мојот магистерски испит, со што ќе ги заокружам магистерските студии под менторство на проф. Борис Романов. Ќе го изведам концертот за пијано и оркестар бр. 1 од С. Прокофиев. Остатокот од денот ќе го минам во друштво со моите најблиски и сопријателите. Вечер ќе уживам со атракциите на учесниците на „Баскер фест“.

Сашо Наневски

тех. дир. во „Весна САП“

Рано изутрина сум на работното место каде што со соработниците се договараме околу дневните обврски од аспект на производството. За денес имам закажано средба со деловни партнери од странство. Задоволни сме што се' поголем број фирми надвор од Македонија ги бараат нашите производи. Попладне сум дома со семејството, а приквечер семејно, малку релаксација со пријателите во некое пробиштипско кафуле.