Што прават денеска
 Драги Аргировски
публицист
Ме очекува интересен и пријатен викенд. Денеска, сабота, како претседател на Комисијата за информирање и издавачка дејност на СЗПМ, ќе бидам во Радовиш, на 13. Републички пензионерски спортски натпревари. В недела, пак, имам весела средба со пријатели, во хотел „Белви“, на роднинска свадба.
 Сања Николиќ
манекенка
Гледам максимално да го искористам во природа она што останува од летото, па викендов ќе го минам во Маврово и прекрасните места во околината. Така, при пристигнувањето во Маврово, претпладнево уживам во кафето на Радика, а за ручек одам во Галичник.
 Антонио Иваноски
музичар во „Биоритам“
Бидејќи викендите се работни денови за нас музичарите, саботава станувам порано, за да ја досредиме новата песна на групата во студиото на Цане. Попладне имаме настап во „Мавротел“, па од студио тргнуваме на пат за Маврово.
|
