Забраната за алкохол по 19 часот
Рената Хуиќ, Скопје
Имам мала продавница - колонијал во Скопје. Револтирана сум од односот на инспекторите, како се однесуваат кога спроведуваат инспекција само во одредени продавници. Постои очигледна етничка селекција. Инспекцијата не е видена да оди во контрола на Кванташки пазар. Значи, законот и казните (астрономски) што ги плаќаме важат само за мнозинскиот народ?!
Еве, конкретно за пијалакот што не смее да се продава по 19 часот. Постои забрана и се' е в ред. Го донесоа Законот, некој го почитуваше, некој зеде лиценци за продавање алкохол, што како цена беше превисока. Ама ајде, само да не ги оставиме соседите без пиво и да не шетаат по Скопје. Е, сега инспекцијата масовно се раздвижила низ сите продавници во Скопје и ги казнуваат сопствениците кај кои, и покрај тоа што се' е в ред, секако, наоѓаат мала грешка, на пример, не било истакнато дека „не се продава алкохол по 19 часот“ и слично. И за таа мала грешка сопственикот треба да плати 1.000 евра! Уште еден апсурд: по 19 часот пијалакот треба да биде соодветно заклучен и тоа со катанец. Па, ако има забрана што е битно како е заклучен и каде се наоѓа клучот? А и тука може да се добие казна до 5.000 евра! Поради тоа, многу мали продавници се затвораат, а никој не се загрижил за ова.
|
