Трајанка Илиева

актерка

Синоќа на репертоарот на Драмски театар играв во „Сон на летната ноќ“, а денешниот ден ми е слободен што се донесува до проби и претстави. Всушност, може да имам една договорна средба за нова претстава. Но, главно сум слободна, па веројатно ќе одам во купување подароци, бидејќи веќе ме има фатено новогодишна еуфорија.

Александар Масевски

композитор

Цел ден главно го минувам во студио. Работам на новиот сингл на групата „Џемини“, како и на песната на Иле Спасев. Бидејќи сум зафатен цело време со работа, вечерва ќе излезам некаде да се релаксирам малку, но сигурно не до доцна. Кога цел ден се работи, не може да се издржи целовечерно забавување.

Билјана Дебарлиева

презентерка во А1 ТВ

Убаво е кога ќе се погоди петокот пред викенд да биде слободен. Така е денеска, па слободниот ден ќе го искористам за планирање некое семејно дружење. Бидејќи времето не е многу примамливо за патување, веројатно ќе се ограничиме на Скопје.