„СУНЧАНЕ СКАЛЕ“

„Још увијек сањам да смо заједно“- хит на годината

Постхумно издадената песна на Тоше Проески, „Још увијек сањам да смо заједно“, на авторите Мирослав Рус и Никша Братош, е прогласена за хит на годината, освојувајќи „Принчева награда“ на фестивалот „Сунчане скале 2010“, кој се одржа од 7 до 9 јули во Херцег Нови, Црна Гора.

Завчера, пак, во рамки на фестивалот се одржа Вечер на нови ѕвезди во која македонските пејачи остварија уште еден успех - имено, ексклузивците на продукција „Република“, Магдалена Цветковска и Дарко Илиевски, со песните „Ме боли“ и „Едно тело“, успеаја да се пласираат на второто, односно на третото место. Веднаш по нив, вчера се одржа и главната фестивалска вечер „Песна на летото“, на која настапија уште неколку македонски претставници, меѓу кои Влатко Илиевски, Роберт Билбилов и Наде Талевска.

За потсетување, лански победници на фестивалот „Сунчане скале“ беше дуетот Калиопи и Наум Петревски со евровизиската тема „Рум, дум, дум“.