Што прават денеска

Зорица Панчиќ

актерка

Ноќеска пристигнавме на островот Крк на Јадранското Море, каде што вечерва од 21 часот со Велешкиот театар ќе ја одиграме претставата „Мушичка“, како гости на „Пучкиот фестивал“, кој се случува на отворено. Претходно, во текот на денот, ќе се одморам од патот, впивајќи го морскиот воздух и сонце.

Пламенка Трајковска

виолинистка

Претпладнево сум на проба во Македонската филхармонија, каде што се подготвуваме за отворањето на Охридско лето. Потоа малку одмор во семеен амбиент, па попладне тргнувам за Кочани, каде што вечерва настапувам на свеченото отворање на меѓународната културна манифестација „Петровденски конаци 2011“.

Жанко Голабовски

радио и ТВ-водител

Петок вообичаено е подготовка за викенд-активностите. Редовно од 8 до 12 ч. ја водам мојата радиоемисија „Не бери гајле“, па потоа започнуваат подготовките во мојот велосипедски клуб „З’ш точак“ за претстојните викенд-тури. В недела половина од клубот ќе учествува на турата „Шарски води“, а другата половина на државното првенство во Куманово.