Што прават денеска

Ненад Секирарски

моден креатор

По успешното претставување на моите модели на Модната недела во Тирана, минатата среда, мислам дека заслужив одмор за викендов. Но, бидејќи е сезона на матурски прослави и имам многу нарачки, речиси сигурно е дека и викендов ќе работам.

Гордана Спасовска

презентерка на Алсат М

Претпладнето ми е планирано за прошетка и кафе-дружење, особено ако е времето сончево. Потоа на ручек, па попладнето и вечерта ми се работни, т.е. викендов сум дежурна на работа. Сепак, се надевам на убав и пријатен викенд.

Борјан Цанев

диригент

По интензивен период на гостувања и настапи, неодамна во Франција со Камерниот оркестар, како и концертот со Филхармонијата в четвртокот, викендов планирам да ми биде за одмор. И покрај моите одморски намери, морам да завршам некои приватни обврски.