Лек со син картон во две смени

Предлогот на Министерството за здравство до 2017 година лек на товар на државата да има право да издава и фармацевтски техничар, вчера доби зелено светло од Собранието. За десетина дена оваа одредба ќе заживее во практика откако ќе биде објавена во „Службен весник“. Со ова, во аптеките ќе може да се издаваат лекови со сини картони во две смени, информираат од Бирото за лекови. Законската измена се состои во тоа што се брише зборот „смена“, а останува само постојано во аптеката да има дипломиран фармацевт. Оваа измена не може поинаку да се толкува освен дека и фармацевтскиот техничар, кој полага државен испит, да може да издава лекови на товар на државата и тоа до 2017 година, за што е додадена преодна одредба, објаснуваат од Бирото за лекови. (Ј.Ј.)