Што прават денеска

Ламбе Алабаковски

пејач

Бидејќи синоќа имав настап во Битола, денот ми започнува во градот на Широк сокак. По расонувањето со кафе во градот, денот ќе го искористам и да се видам со моите најблиски во Преспа. Вечерта, пак, продолжувам за Струга, каде што повторно имам настап. В сабота сум во Кичево, а идната недела во Скопје ќе работам на новите летни хитови.

Катерина Шехтанска-Лаковски

актерка

Бидејќи викендов го славиме шестиот роденден на синот Филип, целото семејството сме на нозе и во подготовки за оваа важна свеченост за него. Воедно, в сабота има и завршна приредба во градинка, така што има уште една причина за дополнително внимание. Всушност, сите си бараме причина за радост.

Валентино Скендеровски

музичар и продуцент

Во тек е испитната сесија на Факултетот за аудиовизуелни уметности ЕСРА, каде што сум професор, па во овој период, главно, сум зафатен со испитите на студентите. Се обидувам да "украдам" некое меѓувреме и да поработам во студио, но, сепак, целиот ден ми се сведува на факултетот.