Што прават денеска

Миле Кузмановски

пејач

Денеска имам обврски што ми предизвикуваат задоволство - договори околу пласман и продажба на моето ново двојно ЦД „Исправи се, Македонијо“ со 10 староградски и 11 новокомпонирани песни. ЦД-то музички и продукциски од неодамна е завршено и деновиве треба да се најде во продажба.

Васка Леонтиќ

стилистка

Денот ми започнува со силен наплив од впечатоци и емоции од вчерашната ревија на фризури со тема „Барок“, што ја подготвија учениците од студиото „Леонтиќ“, како почеток на одбележувањето на 15 години од нашето постоење. Наедно, започнуваме и со последните подготовки за отворањето в среда на колоритниот центар.

Владимир Анастасов

продуцент „Сектор филм“

Завршивме со снимањето во Македонија, на филмот "Како да ме нема", во ирско-шведско-македонска копродукција, а сега не' очекува уште неколку дена снимање, кон крајот на декември во Шведска. Сега, сите активности на продукцијата се насочени кон подготовката за завршницата на филмот во Шведска.