Украина, Унгарија и Србија бараат итна помош од ММФ
Лондон - Украина, Унгарија и Србија бараат итна помош од Меѓународниот монетарен фонд, што е знак за остварување на стравувањето дека бегството на странските инвеститори може да предизвика системска криза во Источна Европа, пишува британскиот весник „Дејли телеграф“.
Ситуацијата во Унгарија е поинаква, но таа ќе биде првата земја-членка на Европската Унија, по Британија во 1976 година, на која ќе и' треба помош од ММФ.
Инаку, унгарскиот премиер Ференц Ѓурчањ вчера ја напушти средбата на врвот во Брисел и се врати во Унгарија со првиот редовен лет. Ѓурчањ на своите колеги во Европскиот совет во Брисел им ги претставил предлозите на Унгарија за справување со последиците од кризата. „Премиерот направи се' што можеше во Брисел и сега ќе се занимава со неодложни внатрешни обврски“, потенцира неговиот портпарол. (МИА)
|
