Што прават денеска

Вера Јанковиќ

водителка

Веќе втор ден сум целосно во „филмот“ на „Макфест“. Денот е преполн со обврски, слатки и весели, чиешто финале за денес е директниот фестивалски пренос на Канал 5. Утре, повторно со македонската публика ќе ги споделиме песните што влегле во финалето преку ТВ-екраните. Музиката, тоа е нашата мисија!

Душко Георгиевски

адвокат и пејач

Денот започнува со договорените средби со странките во мојата адвокатска канцеларија, па ме очекува и едно судење. Попладне, ручек и одмор во домашен амбиент, а вечерта е предодредена за мојата паралелна професионална преокупација - музиката. Вечерва настапувам во „Македонска куќа“.

Лилјана Корубин

модна креаторка

Овој месец сум преокупирана со организацијата на големата изложба на мојот сопруг Рубенс Корубин, чиешто отворање е планирано за 3 ноември, во КИЦ. Паралелно со подготовката на каталогот и фотографиите за изложбата, не ги пропуштам модните настани во Скопје, а работам и модели за една хуманитарна ревија.