Што прават денеска

Зоран Љутков

актер

Вечерва од 20 ч. во Драмскиот театар ја играме премиерата на претставата „Последните Македонци“. Мислам дека на пробите го минавме најтешкото, а вечерва ќе приредиме врвно доживување за публиката. Денешниов ден ќе го минам без некои големи напори и концентрација за премиерата.

Миле Барбаровски

композитор

Привршувам нова песна, што е планирано да ја изведат Гоце Арнаудов и групата „Соната“. Гоце е се' уште на турнеја во странство, па доработувам некои варијанти, што ќе ги испробам во студиото „Анастасија“. Активностите денес, главно, ми се исполнети со творечки активности.

Борче Нечовски

дир. на „Прилеп фест“

Денеска за мене е денот Д. Започнува фестивалот „Прилеп фест“, што го подготвуваме подолго време. Вечерва, во Домот на културата „Марко Цепенков“ ќе се случува вечерта на забавна музика, а утре на истото место – фолк-вечерта. Фестивалот ќе го снима ТВ Сител.