Што прават денеска

Сузана Акбелге

актерка

Утринава уште во 7 ч. наутро веќе сум на Скопскиот саем, каде што го снимаме новиот филм „Балканот не е мртов“, во режија на Александар Поповски. Времето за снимање не ни е строго одредено, но верувам дека ќе работиме некаде до пладне. Останатото време од денот го користам за уредување на домот со четка или валјак во рака. Тоа ми е за концентрација и релаксација.

Верче Пандиловска

пејачка

Со оглед на тоа дека утре во јавноста (на мојот веб-сајт и на „Јутјуб“) излегува мојот нов видеоспот за песната „Нема да оздравиш“, речиси цел ден сум зафатена со обврски околу промоцијата. Во текот на денот имам неколку интервјуа за различни медиуми, така што во денешниов ден не ми останува време за ништо друго.

Здравкица Билбиловска

радио и ТВ-водителка

Првата работна обврска во текот на денот ми е водењето на емисијата во радио Метрополис од 13 до 14 часот. Оттаму продолжувам во телевизијата АБ канал, каде што ја подготвувам темата за следната емисија „АБ-селект“, која се емитува секој четврток на овој ТВ-канал.