Сашко Коцев

- актер

Утринава од Битола, каде што синоќа со Кумановскиот театар гостувавме со "Коштана", одам на проба на "Дундо Марое" во МНТ, чија премиера ја подготвуваме за 20 јули на "Охридско лето". Потоа одам за Куманово, за на радио Браво да водам наградна игра за "Туш", па пак во Скопје да водам наградана игра за "Мекдоналдс". Од 22 ч. повторно проба на "Дундо Марое".



Маја Поцевска

- ТВ-водителка

Последните две емисии на "Од своја страна" ми се снимени, па за мене практично започна летниот одмор. Денеска заминувам за Белград, кај роднини, каде што ќе останам неколку дена и времето најмногу ќе го минам во шетање.


Александар Масевски

- композитор

Редовната постапка за текот на денот ми е прво вежбање фитнес. Потоа, доаѓа работниот дел, што значи се затворам во студио и работам додека не дојде време за вечера. Тогаш, се надевам дека вечерта ќе биде свежа, па одам во некој скопски ресторан.