Ке се кратат платите и пензиите

Романија планира да ги намали платите во јавниот сектор за 25 отсто, а ја разгледува можноста, исто така, да се намалат и пензиите за 15 отсто. Романската влада оваа година планира драстично намалување на платите во јавниот сектор, со цел да го почитува договорот со Меѓународниот монетарен фонд за помош во вредност од 20 милијарди евра, без зголемување на основните даноци, рекол претседателот Трајан Басеску.

„Тој план беше неизбежен“, рекол Басеску на прес-конференција. Тој изјавил дека Романија во преговорите со ММФ избегнала зголемување на ДДВ на 24 отсто, од сегашните 19 проценти, и зголемување на единствениот данок за добивка и приходи, од 16 на 20 отсто.

Басеску рекол дека во разговорите со ММФ се разгледани и двете опции и додал дека платите во јавниот сектор мора да бидат намалени за 25 отсто од јуни, а се разгледувало и намалување на пензиите за 15 отсто. (Ек.Р.)