Што прават денеска

Огненка Герасимовска

пијанистка

Завчера се вратив од Израел, каде што изминативе шест месеци предавав пијано на Националниот конзерваториум за музика во Ерусалим. Деновиве ги средувам впечатоците, искуството и знаењето со кои се стекнав таму. Исто така се запознавам со новитетите во Скопје и уживам опкружена со моите пријатели и семејството.

Јасмина Поповска

актерка

Деновиве настојувам чесно да се изморам за да си го заслужам одморот на кој ќе заминам кон крајот на неделава. Всушност доволно исцрпуваат и самите подготовки за одмор. Освен подготовките, деновиве интензивно се дружам со пријатели дојдени од Австралија. Сакам повеќе време да минам со нив пред да заминам за Сардинија.

Росана Сариќ-Тодоровска

пејачка

Штотуку сум вратена од одмор, кој годинава ми беше најпатриотски - десетина дена во Маврово. Сега со зголемено ниво на ентузијазам им се посветувам на обврските на работното место. Ми се чини дека сега најубаво човек може да се одмори во Скопје - градот е испразнет, па сообраќајот и се' друго е порелаксирано.