Што прават денеска

Билјана Петровска

пијанистка

Сосема извесно денеска треба да одржиме проба на дутот „Пан“, со колегата Петар Колевски на програмата што ќе ја изведеме на промоцијата на нашето ЦД со класична музика. Промоцијата ќе се случи на 28 јуни во Даутпашин- амам. Покрај тоа, треба да одиме и во Министерството за култура да аплицираме за нов проект.

Ненад Секирарски

моден креатор

Денешниов ден е горе-долу вообичаено работен. Летово немам некои специјални проекти, но постојано сум ангажиран околу нарачките на клиентите. Така што пред мене е работно лето, со оглед дека веќе се навикнав одморот да си го трошам во септември.

Искра Трпева-Арсовска

пејачка

Иако е завршена учебната година, сепак, активностите за професорите траат некаде до крајот на јуни. Значи, и денеска треба да се помине на работа во ДМСУЦ „Илија Николовски - Луј“. Со оглед на мојата поодмината бременост, најдобро ми е да се одморам дома по работата, па вечер, можеби, мала прошетка.