Ученици од Темпи на гости во Скопје

Едно момче и три девојчиња од збратимениот град Темпи од Аризона ќе престојуваат следните 5 недели кај свои врсници - средношколци од Скопје.

Наредните 5 недели, пак, скопските ученици ќе го посетат Темпи во рамките на речиси четиридецениската размена на деца меѓу двата града.

Проектот Средношколската размена Скопје - Темпи“ се реализира секоја година во текот на летниот период и вклучува по четири средни училишта од Скопје и од Темпи. Годинава домаќини се учениците од „Зеф Љуш Марку“, „Михајло Пупин“, „Орце Николов“ и од „Георги Димитров“. Од 1971 година, па се' досега во овој проект учествувале над 120 ученици од средните училишта од Скопје. (С.Н.)