"Дачиjа" ја покажува својата општествена одговорност

Автомобилскиот гигант "Дачиjа" парично ќе помогне да се изгради ново и модерно живеалиште за мајмунот Коко, кој напролет треба да се врати во Зоолошката градина. "Аутомотив Груп", претставникот за "Дачиja" во Македонија преку еден специфичен и интересен проект покажува не само грижа за животните, туку воопшто и за природата, а со цел да се намали влијанието на штетните гасови.

Идејата е да се отстранат сите стари автомобили, големи загадувачи на природата и потоа да се рециклираат во "Макстил". Целта на акцијата е сопстевниците на стари автомобили кои обично и немаат пазарна вредност, да ги заменат со "Дачиjа" и со тоа да добијат 1.600 евра пониска цена за новиот автомобил. За седум месеци се отстранети 257 стари автомобили и 1,7 тони моторно масло, со што во воздухот ќе има 780 тони јаглероден двооксид помалку. (Сн.К:)