Што прават денеска

Робертина Мечевска

ракометарка

Пред вечерашниот меч со Букстехуде, со колешките од мојот клуб Металург, развиваме дополнителна мотивација на заеднички ручек. Потоа, малку одмор и концентрација, па од 18 часот, во салата во скопска Автокоманда ќе се бориме за победа и за натамошен пласман.

Драган Спасов-Дац

актер

Претпладнево, син ми Стефан го носам на аудиција за еден филм. Оттаму продолжуваме на изложба на кучиња, да навиваме за нашиот миленик, кучето Лео, кому ова му е прв натпревар. Потоа сите заедно одиме на ручек да ја прославиме, се надевам, победата на Лео.

Рисима Рисимкин

дир. на „Танц фест“

Веќе влегуваме во последните подготовки за „Танц фест“. Денес доаѓаат првите гости - учесници од „Ротердамската танц академија“. Покрај тоа, ги интензивираме пробите за свеченото отворање на „Танц фест“, кој започнува в среда, на 14 април, во 20 часот, во МОБ.