Што прават денеска

Весна Димитровска
актерка

Во НТ „Јордан Хаџиконстантинов-Џинот“ интензивно работиме на претставата „Џинот учителот“, чија премиера ја подготвуваме за почетокот на октомври. Главниот акцент на денот ми го даваат пробите, но покрај тоа, размислувам и за патувањето во САД кон крајот на октомври со Штипскиот театар.

Искра Канзурова
ТВ-водителка

Бидејќи гајлето со емисијата „Дом и дизајн“ ми поминува во недела, понеделник, освен за ревизија на впечатоците и забелешките, главно ми е слободен ден. Некако ми помина меракот за излегување по кафиња, фризери, козметичари..., па времето најмногу го минувам со петмесечната ќерка Матеја.

Катерина Шехтанска
актерка и ТВ-водителка

Треба да поминам на работа во МТВ, каде што ги очекуваме новите раководителки и кадровски решенија. Потоа треба да проверам во МНТ да не стигнале хонорарите од 2006 година, а потоа му се посветувам на семејството и грижата за бременоста.