Марк Антони

Сопругот ја молел Џеј Ло да и' се врати

Во обидот да го спаси бракот со Џенифер Лопез, Марк Антони ја замолил да го прими назад, но таа останала при одлуката да се разведе.

Иако неодамна ја прекрил тетоважата на која пишувало „Џенифер“ со нов цртеж, изгледа за Марк Антони се' уште не е се' готово кога станува збор за бракот со Џеј Ло. Извор близок на пејачот открил за „УС викли“ дека тој и понатаму негува чувства кон бившата сопруга. „Неговото расположение постојано се менува. Во еден момент ја обвинува за се', а во следниот ја моли да го прими назад. Тој сака да се одолжи разводот за да ја убеди да се смират“, додал изворот.

И додека Марк страда поради завршувањето на седумгодишната љубов, Џенифер напредува во кариерата и ужива во времето минато со децата. „Таа е многу среќна и постојано е опкружена со љубов“, рекол изворот.