Националната химна без Никола Карев

Наум Попески, новинар и писател за деца

Убавата македонска химна „Денес над Македонија се раѓа“, која со децении ја пееме на разни свечености, според мене има еден „мал“ пропуст, а тоа е што во химната не се спомнува името на првиот претседател на Крушевската Република, Никола Карев. Се пее: „Од гроб станаа славните ѕидари на Крушевската Република / Гоце Делчев, Питу Гули, Даме Груев, Сандански.../. И сето тоа е в ред, но тука не достига имет�� на Никола Карев. Затоа предлагам само да се додаде името и на оваа светла и света личност од македонската историја од илинденскиот период. Па би требало да биде: „Карев, Делчев, Питу Гули, Даме Груев, Сандански... Значи, ништо не одземаме, само го додаваме името на првиот претседател на Крушевската Република. Да се работи за песна од некој друг карактер, забавна или народна, тоа некако и може да помине, макар што и тука не би требало. Но, овде станува збор за национална химна, која ги исполнува имињата на најзначајните личности од тој период.

Мислам дека химната може лесно да се пресними, исправајќи една грешка, верувам ненамерна, и од авторот на текстот, истакнатиот македонски писател Владо Малески, и од сите што учествувале во нејзиното создавање.