Нови пријави за земјиштата во Штип
ШТИП - Уште две лица од Штип заработија кривични пријави за аферата со незаконска распределба на земјоделско земјиште. Штипската полиција ја прошири кривичната пријава против М.В., која веќе еден месец е во притвор со уште две лица И.В. (43) и Ј.П. (59).
Пријавената М.В. во својство на службено лице - виш референт при Министерството за земјоделство, искористувајќи ја својата положба, ги пречекорила границите на своите овластувања, па со дел од корисниците на државно земјиште, а врз основа на противзаконски склучени договори, барала закупнината да и' се плаќа на рака. Изговорот бил дека парите подоцна ќе ги уплати на сметката, но место тоа ги присвојувала за себе. И.В. и Ј.П., кои биле раководители на оваа служба, според МВР, не ги извршувале совесно своите должности.
Тие, иако знаеле за протизаконските дејства на М.В. не презеле дејства да ја спречат со што е оштетен државниот буџет. (И.Б.) |
