Ресорот за финансии го дематитра Државниот завод за ревизија. Во врска со наводите на ДЗР дека „во МФ не се обезбедени информации за правната основа за постоење на обврските и не се преземени мерки за расчистување на ненамирените обврски“, МФ ја информира јавноста дека овој ресор има испратено образложение за наведената констатација до ДЗР, при што се објаснува дека се работи за обврски на Министерството за финансии за декември 2007 година, а кои пристигаат за плаќање во јануари 2008 година и повеќето од нив се однесуваат за комунални услуги. „Истакнуваме дека сите обврски се исплатени во јануари 2008 година и се искажани во пописот и во завршната сметка за редовно работење на МФ за 2007. Потенцираме дека МФ редовно и навремено си ги намирува сите свои обврски во роковите на нивно достасување“, велат од овој ресор.
