КИМ КАРДАШИЕН

Бесна поради разголените фотографии

Фотографиите со разголената Ким Кардашиен само за еден ден „прошетаа“ низ целиот свет. Иако се снимени уште пред три години, членовите на „Плејбој сајбер клаб“ одлучија пред неколку дена да објават 19 досега непознати фотографии од сосема голата старлета, по што убавата Ким тотално збесна. „Ким беше многу лута кога слушна дека целиот свет ги има фотографиите пред себе. Мислеше дека никогаш нема да видат бел ден. Сега се обидува да се повлече настрана, затоа што сфати дека шоу-бизнисот не е толку забавен како што го доживуваше“, изјави за „Радар онлајн“ неименуван извор, близок до семејството Кардашиен.

Инаку, во декемвриското издание на „Плејбој“, пред речиси три години, беа објавени девет фотографии со Ким, а сега беа прикажани и останатите 19. Ким жали за направеното, па порано оваа година изјави: „Жал ми е што се соблеков за ’Плејбој‘. Воопшто не се чувствував пријатно“. Притоа, додаде дека нејзината мајка Крис Џенер и' вршела притисок за да го прифати снимањето.