КЕВИН ФЕДЕРЛАЈН

Бритни не ги тепаше децата

Екссопругот на Бритни Спирс, американскиот танчар и актер Кевин Федерлајн, ги демантира обвинувањата на бившиот телохранител на пејачката, кој зборуваше дека некогашната поп-сензација сексуално го злоупотребувала, а и физички ги малтретирала децата. Кевин, таткото на 4-годишн��от Шон Престон и 3-годишниот Џејден Џејмс, сигурен е дека Бритни не ги злоупотребувала своите синови, пренесува британскиот „Дејли мејл“.

Бритни го нарече бившиот телохранител Фернандо Флорес опортунист, човек кој сака да го искористи нејзиното име и статус за да заработи пари и да стане јавна личност. Исто така, изјави дека социјалната служба спровела истрага и заклучила дека не постои сомнеж за нејзините методи, па тужбата против неа е „само уште една незгодна ситуација, во која некој сака да се збогати и да стане славен на сметка на семејството Спирс“.

Флорес тврди дека пејачката често знаела да се соблече во негово друштво, притоа и да го провоцира, а посебно се шокирал кога Бритни, според него, намерно му ги покажала гениталиите. Освен тоа, Флорес наведе дека ќе сведочи против неа и нејзиното несоодветно однесување кон децата, велејќи дека пејачката ги казнувала со својот појас.