Поднесени 3.000 барања за легализација
Кавадарци - Две недели пред крајниот рок за пријавување бесправно изградени објекти, во Тиквешијата се поднесени околу 3.000 барања за легализација на дивоградбите. Поради некомплетна документација, прекината е постапката за 1.134 предмети. Досега Општина Кавадарци има издадено 55 решенија за легализација, а вкупниот број дивоградби, без викендичките на Тиквешко Езеро, изнесува 3.000.
Во Росоман 140 граѓани доставиле барања за легализација, од кои досега позитивно е одговорено за 40. Вкупниот број дивоизградени објекти во општина Росоман изнесува 402. Во Неготино барања за почнување постапка за легализација поднеле 375 граѓани, а досега се издадени 30 решенија за легализација. Во Градско има околу 150 дивоградби, а до Општината се доставени само триесетина барања. (А.Д.) |
