РЗЗЗ стана Национален институт за јавно здравје
При градење куќа или зграда, Републичкиот завод за здравствена заштита (РЗЗЗ) ќе издава согласност за здравствена безбедност на земјиштето и околината каде што ќе се гради објектот, како составен дел од градежната дозвола.
Ова ќе биде новата обврска на РЗЗЗ, кој од вчера се преименува во Национален институт за јавно здравје, и со која ќе стартува в година, до кога и се очекува да биде донесен Законот за јавно здравје. Преименувањето на РЗЗЗ ќе значи и воведување нови регистри за разни заболувања, кои во другите институти ги има за најмалку 40 заболувања. За почеток, како што рече директорот на Националниот институт за јавно здравје, д-р Азис Положани, ќе се почне со регистарот на дебелината на децата и здравствениот ризик што го носат, за што ќе се обезбеди и посебен софтвер за десетте центри за јавно здравје во земјава. (Ј.Ј.) |
