Целосна санација на бараките во Општина Бутел, едношалтерски систем, изградени две спортски сали во соработка со Владата и Агенцијата за млади и спорт, пуштен крак од водоводна мрежа во село Визбегово, изградена фекална канализација во Љуботенски Пат, Жегроец и Свети Наум со средства од Општина.

Ова се дел од проектите со кои вчера го започна својот отчет за досега сработеното во вториот мандат, градоначалникот на Општина Бутел, Петре Латиновски. Кон овие активности ги додаде и реализираните проекти за неколку улици. Спомена и изградба на фекалната канализација во Љубанци со вкупна должина од 1,5 километар, како изградбата на резервоарот во селото Љуботен. Латиновски најави и проекти за неколку локални патишта, основни училишта, водоводи и фекална канализација, изградба на нова училишна зграда и спортска сала. (Сн.К.)