Етнозабава на кејот во Карпош
На сцената во амфитеатарот на кејот на Вардар во Карпош денес ќе настапи етногрупата „Монистра“. Етнозабавата, која е планирана да започне во 21 часот, е дел од културната манифестацијата „Културно лето Карпош 2008“, чиј организатор е Општина Карпош. Програмската шема на манифестацијата предвидува викендов да се одржи вечер на сериозна музика. В недела, со почеток во 21 часот, настап ќе има Славица Галиќ со пријателите, кои ќе изведуваат оперски арии. Општинарите информираат дека најавениот настап на гостите од Измир, Турција, што требаше да се одржи в сабота, се откажува. (Дс.Т.) |
