Лазар Магдинчев

тенисер

Од вчера повторно сум во Германија, во Марбург, каде што треба да ги доиграм мечевите за клубот во кој играм за германската тениска лига. Тие обврски ми траат до крајот на јули, па дотогаш сигурно сум во Германија, а потоа можеби и ќе размислам за некаков одмор.

Весна Илкова - Гиновска

сопран

Денешниов ден ќе ми мине во знак на мојата професорка Милка Ефтимова. Вечерва, во нејзиниот роден град Радовиш, се одржува концерт на кој ќе и' биде доделено признание од градот, па во таа чест се придружуваме со нашите настапи колегите Борис Трајанов, Јасминка Чакар и јас. Во текот на денот се подготвувам за настапот, па пат до Радовиш и концертот е од 20 часот.

Кирил Поп Христов - Кили

актер

Во раните утрински часови со бакнеж ја будам сопругата за да создадеме една прекрасна џез-симфонија. Всушност, тоа ни е денешниот семеен план, во кој се вклучени и ќерките Јоана и Нина, за на крајот од денот да им ја посветиме симфонијата на рибата Гертруда и на мачките.