06.10.2012, 18:31 Убедливи победи на Челзи и Манчестер Сити
Европскиот првак подобар од Норич со 4:1, додека англискиот шампион го совлада Сандерленд со 3:0
Екипите на Челзи и Манчестер Сити остварија победи во денешните натпревари од 7-то коло во фудбалското пренство на Англија. Челзи иако пред својата публика губеше од Норвич, сепак забележа убедлива победа од 4:1, додека шампионот Манчестер Сити со 3:0 го совлада Сандерленд.
На останатите денешни натпревари беа постигнати следниве резултати: Вест Бромвич Албион - Квинс Парк Ренџерс 3:2, Свонси – Ридинг 2:2 и Виган – Евертон 2:2.
Со натпреварот Вест Хем и Арсенал кој ќе започне во 18 часот и 30 минути, ќе биде заокружена денешната програма.
Двојките за утре се: Саутемптон – Фулам (14:30 часот) Ливерпул – Стоук, Тотенхем - Астон Вила (16 часот) и Њукасл - Манчестер Јунајтед (16 часот).
Табела: Челзи со 19 бодови, Манчестер Сити 15, Евертон 14, ВБА 14, Манчестер Јунајтед 12 (натпревар помалку), Тотенхем 11 (натпревар помалку), Вест Хем 11 (натпревар помалку) итн.
|
