06.10.2012, 11:38 Пол позиција за Фетел на Големата награда на Јапонија
До него во првиот ред ќе биде неговиот клупски колега Марк Вебер, додека како трет ќе стартува Камул Кобајаши
Возачот на Ред Бул Себастијан Фетел ја освои пол позицијата на денешните квалификации за Големата Награда на Јапонија. Ова за него е 15.та во кариерата, а четврта сезонава.
До него во првиот ред ќе биде неговиот клупски колега Марк Вебер, додека како трет ќе стартува Камул Кобајаши.
Вториот ред ќе го комплетира Роман Грожан , а по него се Серхио Перез и Фернандо Алонсо. Батон кој оствари трето време поради казната од претходната трка ќе биде на осмото место во стартниот поредок.
Заради казни од претходните трки покрај Батон, Нико Хулкенберг ќе биде на 10.место (казна од пет места), а Михаел Шумахер ќе биде на 23.место (казна од 10 места).
Трката за ГН на Јапонија се вози утре на патеката Сузука.
|
