Нерасветлени трагедии на политичари

Заднината на атентатот врз Глигоров се' уште мистерија

Во изминативе дваесетина години загинаа повеќемина значајни личности под неразјаснети околности. Нивната смрт се' уште останува мистерија и е основа за најразлични дискусии, расправии и дилеми дали можеле да се спречат и дали некој потфрлил во нивната заштита.

Патувањето кон Белград беше кобно за Јордан Мијалков, првиот министер за внатрешни работи во независна Македонија. Загина кај Врање на 19 декември 1991 година, но многу работи останаа нејасни околу околностите под кои се случи оваа несреќа.

Големи реакции во јавноста и осуда предизвика и трагичната смрт на министерот од редовите на ЛДП, Радован Стојковски. Норвешкиот капетан во КФОР, Один Кристијан Вестли, беше главен виновник за тешката сообраќајна несреќа на 28 август 1999 година кај Катланово, во која, покрај министерот, животот го загубија неговата сопруга и ќерка и возачот на владиното „ауди“. Капетанот беше осуден со условна казна во неговата родна земја.

Несреќите не ги заобиколија ни��у македонските претседатели. Киро Глигоров за влакно ја избегна смртта во атентатот откако неговото возило беше погодено од експлозија покрај хотелот „Бристол“ во центарот на Скопје. Неговиот наследник Борис Трајковски и осуммина негови соработници трагично го загубија животот во кобниот лет за Мостар на 26 февруари 2004 година, летајќи со малиот владин авион „кингер“. И за двата случаи се' уште се водат истраги во земјава.